أماني

 ماورد يا ماورد..

وحشتيني

لا بالله ..أحلفي

إي والله..

حسبتك نسيت الكتابة

لا والله ما نسيت لكن ليست كتابة كما أحبها، أنا أحب الكتابة هنا هنا هنا

صدقتك

والله بكيفك..أنا باحلف

إيش مشاريعك الكتابية؟

ما أقدر أقول، لأني وقعت على سياسة عدم الافصاح..لكن كنت أظن أنني سأمل وسيكون مشروعا ثقيلا، بس الحمدلله مشي معايا وأحتاج يومين "بيور كتابة" وأخلص المشروع..

لا زلت عالقة ، دحين على بداية السنة فتحت المجلات العلمية أبوابها، لازم أنشر البحث الأخير، وبعدين أتأكد إذا لازم بحث كمان ولا خلاص، مع أني بحثت وحسب اللوائح الحقيرة اللي اتغيرت مؤخرا لازم كمان بحث..

 كتابي اللطيف الصندوق الأحمر في طور الرسم 

أحتاج قراءة شاملة أخيرة بينما ترسم الرسامة

وبس والله، هذه أموري الكتابية

أموري الصحية زي الزفت والحمدلله وعندي قائمة بالأطباء اللي لازم أروح لهم وكنت أأجل وأأجل والآن ما ينفع التأجيل أكثر

أريد وقتا بلا هدف ولا تفكير أقضيه مع أي أحد

ما أعرف فين..بس الرفقة هي الأهم

وما في بالي ولا أحد أبغى أقضي معاه أي وقت..

أصلا أنا في مرحلة الأمنيات التي يجب أن تبقى حبيسة القلوب، هذا إن كان هناك أمنية أصلا,,

صديقتي أماني سحبت كل الأماني ورحلت...